Мощи великомученика Димитрия Солунского
Дни памяти
8 ноября
Тропарь, глас 3.
Велика обрете в бедах тебе помощника вселенная страстотерпче, поганыя побеждающа, яко же убо Лиеву низложил еси гордыню, и на подвиг укрепи Нестора, тако святе Димитрие, Христа Бога моли, даровати нам велию милость.
Кондак, глас 2.
Кровей твоих струями Димитрие, Церковь Бог обагрил есть, давыи ти державу непобедиму, и соблюдая град твой невредим. Тому бо еси утверждение.
ОСОБО ЧТИМЫЕ ИКОНЫ ХРАМА
ИКОНА Св. Блаж. КСЕНИИ ПЕТЕРБУРГСКОЙ
Дни памяти
24 января (6 февраля) и 24 мая (6 июня)
Тропарь, глас 3.
Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси. Сего ради дар чудодейственныя помощи стяжавшая, Ксение блаженная, моли Христа Бога избавитися нам от всякаго зла покаянием
ИКОНА БОЖИЕЙ МЕТЕРИ «ПОМОЩНИЦА В РОДАХ»
Дни памяти
8 января
Тропарь, глас 4.
Мати Бога нашего, во утробе заченши Христа Жизнодавца, помощи в рождении Того не потребовала еси, темже легце разрешитися рабом Твоим благослови и помози, и младенцев их во время благопотребное родитися имущих, под покров Твой, яко Матерь, молим, приими: Ты бо еси в родах Помощница, Заступница рабом Твоим.
ИКОНА БОЖИЕЙ МЕТЕРИ «ВСЕХ СКОРБЯЩИХ РАДОСТЬ»
Дни памяти
6 ноября
Тропарь, глас 4.
Не умолчим никогда, Богородице, силы Твоя глаголати недостойнии: аще бо Ты не бы предстояла молящи, кто бы нас избавил от толиких бед; кто же бы сохранил доныне свободны;/ не отступим, Владычице, от Тебе:// Твоя бо рабы спасаеши присно от всяких лютых.
ИКОНА БОЖИЕЙ МЕТЕРИ «НЕУВЯДАЕМЫЙ ЦВЕТ»
Дни памяти
16 апреля
Тропарь, глас 4.
Радуйся, Богоневесто, жезле тайный, Цвет Неувядаемый процветший, радуйся, Владычице, Еюже радости наполняемся и жизнь наследствуем.
ИКОНА БОЖИЕЙ МЕТЕРИ «ОДИГТРИЯ, СМОЛЕНСКАЯ»
Дни памяти
28 июля
Тропарь, глас 4.
Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.
ИКОНА БОЖИЕЙ МЕТЕРИ «УТОЛИ МОЯ ПЕЧАЛИ»
Дни памяти
25 января
Тропарь, глас 4.
Утоли болезни многовоздыхающия души моея, утолившая всяку слезу от лица земли: Ты бо человеком болезни отгбниши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.
ИКОНА Свят. ТИХОНА ПАТРИАРХА МОСКОВСКОГО И ВСЕЯ РУСИ
Дни памяти
25 марта / 7 апреля – день преставления (1925); 26 сентября / 9 октября – день прославления; в воскресение после 25 января / 7 февраля – Собор новомучеников и исповедников Российских
Тропарь, глас 3.
В годину тяжкую Богом избранный, в совершенной святости и любви Бога прославил еси, во смирение величие, в простоте и кротости силу Божию являя, положил еси душу за Церковь, за люди своя, исповедниче святе, Патриарше Тихоне, моли Христа Бога, Ему же сораспялся еси, и ныне спасти землю Русскую и паству твою.
ИКОНА Свящмч. ПЕТРА МИТРОПОЛИТА КРУТИЦКОГО
Дни памяти
25 января (Новомуч.), 27 сентября, 5 октября (Моск. Свт.)
Тропарь, глас 2.
Божиим смотрением к святительскому служению святым патриархом Тихоном призванный, стаду Христову явился еси страж неусыпный и защитник небоязненный, священномучениче Петре, жестокая заточения и дальная изгнания, страдание и смерть от богоборцев претерпел еси, венец мученический прияв, на Небеси ныне радуешися. Моли милостиваго Бога,/ да сохранит Церковь нашу от нестроений, единомыслие и мир людем Своим дарует и спасет души наша.
ИКОНА Преп. СЕРАФИМА САРОВСКОГО
Дни памяти
19 июля, 2 января
Тропарь, глас 4.
От юности Христа возлюбил еси, преподобне, и Тому Единому поработати пламенне вожделел еси, в пустыннем житии твоем непрестанною молитвою и трудом подвизался еси, умиленным сердцем любовь Христову стяжав, Небесным Серафимом в песнословии споборниче, в любви притекающим к тебе Христу подражателю, темже избранник возлюблен Божия Матере явился еси, сего ради вопием ти: спасай нас молитвами твоими, радосте наша, теплый пред Богом заступниче, Серафиме блаженне.
ИКОНА Свщмч. ВЛАДИМИРА ЧЕТВЕРИНА
Дни памяти
2 сентября
Тропарь, глас 1.
Царство Небесное паче земных красот возжелев, добрым подвигом Христу подвизался еси. И безбожное веление мужественне отринув, сугубую благодать от Господа Сил приял еси. Сего ради усердно тебе вопием: моли о нас Христа Бога, отче Владимире, священномучениче.
ИКОНА Мученика УАРА
Дни памяти
19 октября
Тропарь, глас 4.
Воинством святых страстотерпец страждущих законне, зря онех, показал еси мужески крепость свою. И устремився на страсть волею, и умрети вожделе за Христа, Иже приял еси почесть победы твоего страдания, Уаре, моли спастися душам нашим.
ИКОНА Великомученика и Целителя ПАНТЕЛЕИМОНА
Дни памяти
27 июля
Тропарь, глас 4.
Страстотерпче святый и целебниче Пантелеимоне, моли милостиваго Бога, да прегрешений оставление подаст душам нашим.
ИКОНА Мученицы ЛЮДМИЛЫ Княгини ЧЕШСКОЙ
Дни памяти
16 сентября
Тропарь, глас 4.
Оставльша тьму идолослужения и с горячей любовию прияв свет Православныя веры Христовы, явися ты, святая Людмило, яко звезда утренняя, и светом святости твоея истинный день Богопочитания в Честей земли начав.
ИКОНА Мученика ТРИФОНА
Дни памяти
1 февраля
Тропарь, глас 4.
Мученик Твой, Господи, Трифон, во страдании своем венец прият нетленный от Тебе, Бога нашего, имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.
ИКОНА Блаж. МАТРОНЫ МОСКОВСКОЙ
Дни памяти
23 февраля, 19 апреля, 23 августа
Тропарь, глас 2.
Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.